آخر تحديث: أكتوبر 2026
سياسة الخصوصية
هذي السياسة تخص موقع juststartapp.co وخدمة النصائح والتحديثات من JUST START. أما بيانات التطبيق نفسه (مثل بيانات الصحة) فلها سياسة منفصلة داخل التطبيق
وش نجمع
- اللي تكتبه في النموذج: اسمك، ورقم واتساب أو إيميل، ورجل أو امرأة، وجوابك عن آخر مرة وقفت عن التمرين (اختياري)، وموافقتك
- مصدر الزيارة: الرابط أو المنصة اللي جيت منها (مثل: من إعلان في تيك توك)، عشان نعرف أي محتوى يوصل للناس
- بيانات التصفح: عن طريق الأدوات في قسم «الأدوات اللي نستخدمها» تحت
ليش نجمعها
- نتواصل معك بخصوص JUST START: النصائح، والتحديثات، والمحتوى المفيد
- نفهم أي منصة ومحتوى يجيب المهتمين، عشان نصرف جهدنا صح
وما نرسل لك أكثر من رسالة بالأسبوع
وين تنحفظ ومين يشوفها
- تسجيلات النصائح تنحفظ في جدول خاص على حساب Google تابع لـ JUST START، ويوصل لها فريق JUST START بس
- الموقع مستضاف على Vercel
- ما نبيع بياناتك، وما نشاركها مع أي جهة لأغراضها الخاصة
الأدوات اللي نستخدمها
نستخدم أدوات قياس من Google Analytics، وMeta (فيسبوك وInstagram)، وTikTok، وSnapchat، وX. هذي الأدوات تحفظ ملفات تعريف (Cookies) في متصفحك، وتساعدنا نعرف كم شخص زار الموقع وسجّل، ونقيس نتائج إعلاناتنا على هذي المنصات. وكل منصة تتعامل مع بياناتها حسب سياستها. وتقدر تمسح ملفات التعريف أو تمنعها من إعدادات متصفحك
حقوقك
تقدر في أي وقت تطلب: نسخة من بياناتك، أو تصحيحها، أو حذفها، أو إنك تطلع من القائمة. يكفي ترد على أي رسالة منا بكلمة «وقف»، أو تراسلنا على الإيميل تحت. ونتعامل مع بياناتك وفق نظام حماية البيانات الشخصية في المملكة العربية السعودية
كم نحتفظ فيها
لين تطلب حذفها أو تطلع من القائمة، أو لين ما عاد نحتاجها للغرض اللي جمعناها له